سكةالحزن .............

اتكتب خلاص علينا
نمشي سكه مالناش يد فيها

بألامنا وجروحنا بنعديها

وكل ده القدر رماه مع الحزن علينا

خلاص الحزن بقي حالنا
وبنعيشه
دايما في حياتنا

وقلوبنا بقت علي الهم نابضه
وجروحنا بتنزف ألم
وحسره

بنخاف اول ما تنور شمعه
لآن نورها بيبقي ظلام ووحده

طريق
ماشيينه علي الهم والكسره
عايشين ومش عايشين في دنيا تايهه

بنحاول نقرب
للفرحه
بس دموعنا بتسبق لآهاتنا

أأأه لو الدنيا تسمعنا
وتحس بكل ما
فينا من اوجاعنا

ساعتها ممكن يتغير حالنا
ولا هنفضل فاكرينها في سكتنا
الصعبه

ونعيش ونموت علي ألامنا
ولا يجي اليوم اللي القدر فيه يصالحنا